ʻŌlelo Hawaiʻi Blog mua

ʻO ka hapahā minuke kēia i hala ka hola ʻehā (ma ka manawa Hawaiʻi), a, aia māua ʻO Hoapili ma ka mokulele e lele aku nei i Seattle. He pule lōihi kēlā pule aku nei, no laila, lōihi loa māua eia naʻe, pīhoihoi loa! ʻAʻole hiki iaʻu ke maopopo kēia mea kupaianaha! Ke lele nei i ʻĀina Hau i kēia manawa!!

Lele akula wau wale nō i Maui i kēlā Poʻalua aku nei i huakaʻi pōkole loa, a, ua hoʻopīhoihoi ia huakaʻi iaʻu no kēia kauwela. Ua launa wau me koʻu mau hoa, koʻu ʻohana a me kekahi mau kumu oʻu mai koʻu wā kamaliʻi, ʻo lākou nā kanaka lima hana me koʻu makuahine ma Lokelani ma kona wā e hana ai ma laila. Ua nānea wau i kahakai ma Maui, a, ua nānā i ka welo o ka lā, ʻo kēlā kaʻu mea punahele nō ma kēia honua. ʻO ka nani o ka hoʻi ʻana o ka lā kaʻu punahele loa.

Ma hope o ka huakaʻi wikiwiki i Maui, hoʻi akula wau ma ka moku o keawe, a, ua hoʻomākaukau no kēia huakaʻi nui loa me Hoapili. Na māua i kūʻai i nā mea i poina, ua hoʻopaʻa i nā paiki nui (hana māua i kēia no kekahi mau hola, ua māluhiluhi loa māua ma hope), a, ua hoʻopaʻa i nā mea pono a pau ma mua o ka haʻalele ʻana. Ua noho māua i ke kaʻawane ma ka ʻāpana o ko māua mau hoaaloa. ʻO kēia mau hoa nā hoa e mālama ana iā Kawelo i kēia kauwela, a, hoʻokū nā kaʻa ma ko lākou pā hale. Mahalo nui loa māua iā lākou no ko lākou mau aloha a me ke kōkua nui iā māua.

Ma ka hōʻea ʻana māua i Seattle, he mau hola (9) e kali ma laila ma mua o ke piʻi i ka mokulele ē aʻe… ʻIke wau, e pōloli loa ana māua ma ka pae ʻana akā, pono māua e kiʻi i nā ʻeke ma baggage claim, a, ʻaʻole wau ʻike inā hiki iā māua ke hoʻi i ke kahua hoʻolulu mokulele inā pani ʻole ka booth ʻO Iceland Air… Inā ʻaʻole hiki iā māua ke komo hou i loko, e hele i waho e ʻai, a, e hoʻi i kekahi wahi hiki ke hīamoe i ke kahua hoʻolulu mokulele… Mākaukau nō māua e hōʻea i ʻĀina Hau i kēia manawa, akā, e hōʻea ma laila i ka manawa pono… E kali pono māua, haha!

E hoʻohana hou ana wau i kekahi mau blog ma ka ʻōlelo Hawaiʻi i ka wā kokoke!! E nānā hou mai!

Naʻu me ke aloha nui,

Na Leilani

 

 

(E kala mai iaʻu inā he mau hewa ma koʻu kākau, luhi loa wau!)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s